Аудио

Анхны дурлал

Жи Кан гэрлэлтээ цуцлуулсны дараа хэдийгээр хуучин эхнэртээ сэтгэл нь хөрсөн ч түүний тухай сураг чимээг хайхралгүй өнгөрч чаддаггүй тухайгаа надад байсхийгээд л ярина. Гол нь өөр залуутай болсон эсэхийг нь мэдэх гэж л тэгж чих тавьдаг, хэрэв тийм байвал хүлээн зөвшөөрч чадахгүй гэнэ.

Таксины жолооч

Таксины жолооч зогсоол уруу ороход, зогсоолд нь өөр машин тавьжээ. Жолооч тэр машины дугаарыг тоож харсангүй. Хойд талынх нь эгнээнд байсан нэг сул зогсоолд машинаа байрлуулаад бууж эргэн тойрныг ажлаа.

Нойрссон нь

Эхнэр хэдэн сар нойргүйдэж, цагаан сараас ханш нээгдэх хүртэл тарчилж гүйцлээ. Унтаж байгаад шөнө дүлээр сэрж үүр цайлгана. Сүүлдээ цурам ч хийхээ больж, тайвшруулах эм уугаад ч нэмэр алга. Ханшны өдөр гэж зааг байв уу яав, ханш нээгдсэний дараа шөнө дүлээс хойш унтдаг болов. Аажмаар хэвийн байдалдаа орж эхэллээ. Эхнэрийн нойргүйдэл жилд нэг удаа хөдөлж, гурван сар орчим үргэлжилнэ. Жил бүр давтагдана шүү.

Надтай суухгүй бол насаараа харамсана

Шүй бол тамгын газрын орлогч дарга. Тэр тавь гарч яваа ч сэтгэл татам сайхан хэвээрээ. Юу ч өмссөн зөвхөн түүнд зориулж захиалсан юм шиг зохихыг яана. Түүний нэрийг уг нь Шүй Лифан гэдэг боловч хүн бүхэн Шүй гэсээр нэрийг нь бүтнээр мэдэх хүн цөөрчээ. Түүний ажил гэж толгойтой үснээс их. Үүний учир нь тэдний байгууллагын дарга нь тамгын газрын даргын албыг хавсран хийдэг бий. Тэр өдөржин борви бохисхийлгүй ажиллаж, зай завсаргүй утсаар ярьж, сэхээ сэвээгүй өдрийг барна.